Православная молитва Иоанну Воину

Молитва Иоанну Воину
Мученик Иоанн Воин. Икона. Конец XVII — первая половина XVIII века (ц. Успения Богородицы в Гончарах, Москва)

Святой Иоанн Воин прославился не воинской доблестью, а христианской верой и мужеством. День его памяти отмечается 12 августа.

---

Тропарь

глас 4
Всеблага́го Бо́га и Царя́ благове́рный раб и во́ин яви́лся еси́, Иоа́нне чудоде́телю, пострада́в бо ра́ди ве́ры му́жески, блаже́нно же сконча́в тече́ние, зри́ши Всетворца́ Го́спода в Небесе́х светле́йше. От Него́же прие́м дарова́ние чуде́с, стра́ждущим челове́ком во вся́ких напа́стех помога́еши, укрепля́еши во́ины в ра́тех, от враго́в плене́ния, ран же и внеза́пных смерте́й и от бед лю́тых изыма́еши. Те́мже моли́ Влады́ку Христа́, приснопа́мятне, да во вся́ком обстоя́нии сотвори́т нам ми́лость и не введе́т нас во искуше́ния, но спасе́т ду́ши на́ша, я́ко Человеколю́бец.

---

Кондак

глас 6
Благочести́ваго во́ина Христо́ва, победи́вшаго враги́ душе́вныя и теле́сныя богому́дренно, Иоа́нна му́ченика достодо́лжно пе́сньми восхва́лим, чудоде́йствуя бо, подае́т оби́льная исцеле́ния стра́ждущим лю́дем и мо́лится Го́споду Бо́гу от вся́ких бед спасти́ правове́рныя.

---

Молитвы

Молитва 1-я

О, му́чениче Христо́в, Иоа́нне во́ине! Хра́брый еси́ во бра́нех, и враго́м прогони́тель, и оби́димым засту́пник, всем правосла́вным христиа́ном. О, вели́кий засту́пниче и уго́дниче Христо́в, Иоа́нне вои́нственниче! Поми́луй нас, гре́шных и недосто́йных, и заступи́ в беда́х и в ско́рбех, и в печа́лех и во вся́кой злой напа́сти, и от вся́каго зла́го и оби́дящаго челове́ка, тебе́ бо дана́ бысть такова́я благода́ть от Бо́га, е́же моли́тися за ны, гре́шныя, в беда́х и напа́стех зле стра́ждущия. Изба́ви у́бо нас от оби́дящих и ненави́дящих, бу́ди нам побо́рник кре́пок на вся ви́димыя и неви́димыя враги́ на́ша. О, вели́кий побо́рниче, Иоа́нне во́ине! Не забу́ди нас, всегда́ моля́щихся тебе́, прося́щих по́мощи и неоску́дныя ми́лости твоея́, и сподо́би нас, гре́шных и недосто́йных, получи́ти от Бо́га неизрече́нная блага́я, я́же угото́ва лю́бящим Его́. Я́ко подоба́ет Ему́ вся́кая сла́ва, честь и поклоне́ние, Отцу́ и Сы́ну и Свято́му Ду́ху, ны́не, и при́сно, и во ве́ки веко́в. Ами́нь.

---

Молитва 2-я

О, му́чениче Христо́в Иоа́нне Во́ине! Хра́брый во бра́нех, и ско́рый засту́пник правосла́вных христиа́н в беда́х и напа́стях их, по да́нной благода́ти от Бо́га! Бу́ди нам побо́рник кре́пок на вся ви́димыя и неви́димыя враги́ на́ша. Во́инству на́шему на враги́ побе́ду да́руй, да смиря́тся проти́вящиися нам и вразумя́тся, и Бо́га и́стиннаго позна́ют и Святу́ю Его́ Це́рковь Правосла́вную. Мы же, гре́шнии, да сподо́бимся прославля́ти Го́спода Спа́са на́шего во Ца́рствии Его́ вку́пе с тобо́ю во ве́ки. Ами́нь.

---

Молитва 3-я

О, вели́кий Христо́в му́чениче Иоа́нне, правосла́вных побо́рниче, враго́в прогони́телю и оби́димых засту́пниче! Услы́ши нас, в беда́х и ско́рбех моля́щихся тебе́, я́ко дана́ тебе́ бы́сть благода́ть от Бо́га печа́льныя утеша́ти, немощны́м помога́ти, непови́нныя от напра́сныя сме́рти избавля́ти и за всех зле стра́ждущих моли́тися. Бу́ди у́бо и нам побо́рник кре́пок на вся ви́димыя и неви́димыя враги́ на́ша, я́ко да твое́ю по́мощию и побо́рством по нас посрамя́тся вси явля́ющии нам зла́я. Умоли́ Го́спода на́шего, да сподо́бит ны, гре́шныя и недосто́йныя рабы́ Своя́ (имена), получи́ти от Него́ неизрече́нная блага́я, я́же угото́ва лю́бящим Его́, в Тро́ице Святе́й сла́вимаго Бо́га, всегда́, ны́не и при́сно и во ве́ки веко́в. Ами́нь.

---

Личное прошение

О, вели́кий Христо́в му́чениче Иоа́нне! Услы́ши мя, прибега́ющего к тебе́ (имя), пода́ждь в ско́рби мое́й ско́рую по́мощь и заступле́ние (содержание прошения), я́ко да твое́ю по́мощию и побо́рством по мне посрамя́тся вси явля́ющии мне зла́я. Ами́нь.

---

Житие святого Иоанна Воина

Иоанн Воин жил в эпоху гонений на христиан. После Константина трон занял Юлиан Отступник, чьё правление (361–363 гг.) ознаменовалось преследованием верующих. Иоанн был солдатом императорской армии. Несмотря на службу, он сохранял верность Христу и тайно помогал преследуемым христианам, предупреждая их о грозящей опасности и спасая от гибели.

За свои дела святой был схвачен. В темнице он переносил побои и голод, но не оставил молитву. Его стойкость и вера так впечатлили стражей, что пришли они с намерением освободить воина. В это время Юлиан погиб в сражении, а преемник-христианин повелел отпустить всех заключённых.

После ухода из армии Иоанн посвятил жизнь милосердию, помогая нуждающимся и укрепляя веру окружающих.

«Всеблагáго Бога и Царя благовéрный раб и во́ин яви́лся еси́, Иоáнне чудодéтелю...» (Тропарь мученику Иоанну Воину)

После смерти святого добрые дела не забылись. Место его захоронения было утрачено, но одна христианка во сне получила указание, где искать мощи мученика.

---

Чудеса и помощь святого

Святому Иоанну Воину молятся о:

• здравии и укреплении веры;
  

• защите от врагов и несправедливых обвинений;
  

• возврате утраченного имущества;
  

• помощи в житейских трудностях;
  

• наставлении заблудших и вернувшихся к вере.
  
  

Одно из известных чудес связано с возвращением украденного: разбойники, проникшие в дом вдовы, были поражены образом святого и в страхе покинули жилище. Наутро они пришли с покаянием, вернув украденное.

Другие свидетельства рассказывают о чудесах при татарских нашествиях и о помощи тем, кто потерял ценные вещи. Например, пожилая женщина, потерявшая документы и сумку перед поездкой, получила всё обратно благодаря молитве к Иоанну Воину.

Святой изображается с копьем, крестом и щитом — это не военные атрибуты, а символы веры, стойкости и небесной защиты.

Канон мученику Иоанну Воину

Канон святому Иоанну Воину читают в благодарность за заступничество и помощь, а также в прошении о защите от врагов, избавлении от скорбей и укреплении веры. Житие и подвиг святого вдохновляют на стойкость и мужество, напоминают о важности духовной силы перед лицом трудностей.

---

Песнь 1

Ирмос:
Грядите, людие, поим песнь Христу Богу, разделшему море и наставльшему люди, яже изведе из работы египетския, яко прославися.

Тропарь:
Светлое празднество твое, святе Иоанне, радостно на духовную трапезу нас созывает, в нейже учреждаеши ны вся, к тебе притекающия, даровании, в пользу прошения нам исполняя.

Подвигом добрым подвизався на земли, преблаженне Иоанне, и от злаго мучителя мученики Христовы сохраняя, приял еси от Христа Бога Небесную жизнь, отнюдуже в скорбех нам подаждь помощь.

Воинством истинным, Богомудре, злочестиваго царя небрег мучительства и богатство нищим Христа ради расточив, приял еси дар чудес от Бога, лукавыя человеки обличая, благочестивым способствуеши.

Богородичен:
Воплотися из Тебе боголепно Слово Безплотное премножеством человеколюбия, Пречистая Дево; Егоже, Владычице, моли вечное блаженство даровати нам.

---

Песнь 2

Ирмос:
На камене мя веры утвердив, разширил еси уста моя на враги моя, возвесели бо ся дух мой, внегда пети: несть свят, якоже Бог наш, и несть праведен, паче Тебе, Господи.

Тропарь:
С мученики несумненну веру стяжав, благодушне, и Христу Иисусу быв воин, добродетельми обогатился еси; темже совершающим память твою честную благое просвещение всегда даруй.

Лукавнующим зле невидимый гонитель, мучениче Христов, являешися и крадьбы, в тайне сущия, открываеши, приял бо еси власть от Бога полезная ко спасению всем содевати.

Якоже столп непоколеблем, сердце твое, всечестне Иоанне, имея, любовь мученикам Христовым сотворил еси, не бояся царева суровства, темже в любви Господни утверждатися нам помози.

Богородичен:
Богородице, Мати Господа Иисуса, со всеми святыми Того моли избавити ны от всех бед и скорбей, яко да посрамятся вси, являющии рабом Твоим злая, хвалити же с Сыном Тя присно нас сподоби.

---

Песнь 3

Ирмос:
Образу златому, на поли Деире служиму, трие Твои отроцы небрегоша безбожнаго веления, посреде же огня ввержени, орошаемы, пояху: благословен еси, Боже отец наших.

Тропарь:
Безбожное мучителя законопрестнаго веление, страстотерпче Иоанне, преобидев, богочестив Всемогущаго Царя воин показался еси, благодатне же орошаемь, с людьми Божиими пел еси: благословен еси, Боже отец наших.

Дерзновение имея ко Владыце всех, святе Иоанне, яко ближний угодник Его, во обстоянии напастей наших предстательствуй Ему о нас и помогай избавитися нам от грехов, да богомудренно поем: благословен еси, Боже отец наших.

Богородичен:
Преславное совершися таинство в Тебе, Богомати, безсеменно бо зачала еси Сына, бремя грех наших упразднившаго. Темже, упование на Тя имуще и Твою помощь зряще, усердно вопием: благословена еси, Дево Владычице.

---

Песнь 4

Ирмос:
Пещь иногда огненная в Вавилоне действа разделяше, Божиим велением халдеи опаляющая, верныя же орошающая, поющия: благословите, вся дела Господня, Господа.

Тропарь:
Вышних ищай, на земли прелести возненавидел еси, Богоблаженне. Темже, с мученики Христовыми в любви духовней соединився, дерзновенно Богочеловека Иисуса проповедал еси, о Немже зовеши: благословите, вся дела Господня, Господа.

Неоскудно требования подавая, нищим был еси готовый питатель, воине благочестивомудренне Иоанне. И ныне, притекающия к тебе назирая, исполни тех прошения, да радостно зовем: благословите, вся дела Господня, Господа.

Богородичен:
Марие Богоневесто, к Тебе прибегаем и Тебе, припадающе, молимся: виждь, Владычице, скорбь нашу и озлобление от враг наших и умири жизнь всех нас, Миротворца порождши Господа, Егоже благословим во веки.

---

Песнь 5

Ирмос:
Безначальна Родителя Сын, Бог и Господь, воплощся от Девы, нам явися, омраченная просветити, собрати расточенная. Тем Всепетую Богородицу величаем.

Тропарь:
Добр явился еси пособник, преславне, людем Божиим, гонимыя сокрывая, и ныне чудесне помоществуеши верным, сего ради в памяти благодеяний твоих Христа Бога величаем.

Твоя чудеса, преблаженне Иоанне, во всем мире проповедаются; темже и днесь, собравшеся, славу возсылаем Христу, тебе прославльшему.

Богородичен:
Пети, Дево, Тя не престаем, Помощницу, покров, скорое заступление и Предстательницу нашу непостыдную; соблюди Твоя рабы от всякаго озлобления и от козней лукаваго свобождай присно.

---

Песнь 6

Ирмос:
В бездне греховней валялся, неизследную милосердия Твоего призываю бездну: от тли, Боже, мя возведи.

Тропарь:
Силою Божиею укрепився, мучеников славо, Иоанне, прещений нечестивых небрегл еси; ныне же зря радостне Бога, от злых нас избави.

Молитвами и постом и в целомудрии всяким воздержанием Богу угодил еси, всечестне; свыше назирая, свобождай ны от скорби.

Просимая чествующим тя верно, блаженне, подаеши, злыя человеки обличая, о кающихся же Богу моляся.

Мученическое дерзновение восприял еси по вере Христове поборати, якоже добрый воин, вооружи себе силою Креста Господня, от Него же даром чудес обогатися.

Богородичен:
Уврачуй, Богородице, страсти душ и телес наших, Врача Христа нам порождши, и вражие злоковарство посрами милосердием Твоим.

---

Песнь 7

Ирмос:
Образу златому, на поли Деире служиму, трие Твои отроцы небрегоша безбожнаго веления, посреде же огня ввержени, орошаемы, пояху: благословен еси, Боже отец наших.

Тропарь:
Безбожное мучителя законопрестнаго веление, страстотерпче Иоанне, преобидев, богочестив Всемогущаго Царя воин показался еси, благодатне же орошаемь, с людьми Божиими пел еси: благословен еси, Боже отец наших.

Дерзновение имея ко Владыце всех, святе Иоанне, во обстоянии напастей наших предстательствуй Ему о нас и помогай избавитися нам от грехов, да богомудренно поем: благословен еси, Боже отец наших.

Богородичен:
Преславное совершися таинство в Тебе, Богомати, безсеменно бо зачала еси Сына, бремя грех наших упразднившаго. Темже, упование на Тя имуще и Твою помощь зряще, усердно вопием: благословена еси, Дево Владычице.

---

Песнь 8

Ирмос:
Пещь иногда огненная в Вавилоне действа разделяше, Божиим велением халдеи опаляющая, верныя же орошающая, поющия: благословите, вся дела Господня, Господа.

Тропарь:
Вышних ищай, на земли прелести возненавидел еси, Богоблаженне. Темже, с мученики Христовыми в любви духовней соединився, дерзновенно Богочеловека Иисуса проповедал еси, о Немже зовеши: благословите, вся дела Господня, Господа.

Неоскудно требования подавая, нищим был еси готовый питатель, воине благочестивомудренне Иоанне. И ныне, притекающия к тебе назирая, исполни тех прошения, да радостно зовем: благословите, вся дела Господня, Господа.

Богородичен:
Марие Богоневесто, к Тебе прибегаем и Тебе, припадающе, молимся: виждь, Владычице, скорбь нашу и озлобление от враг наших и умири жизнь всех нас, Миротворца порождши Господа, Егоже благословим во веки.

---

Песнь 9

Ирмос:
Безначальна Родителя Сын, Бог и Господь, воплощся от Девы, нам явися, омраченная просветити, собрати расточенная. Тем Всепетую Богородицу величаем.

Тропарь:
Добр явился еси пособник, преславне, людем Божиим, гонимыя сокрывая, и ныне чудесне помоществуеши верным, сего ради в памяти благодеяний твоих Христа Бога величаем.

Твоя чудеса, преблаженне Иоанне, во всем мире проповедаются; темже и днесь, собравшеся, славу возсылаем Христу, тебе прославльшему.

Богородичен:
Пети, Дево, Тя не престаем, Помощницу, покров, скорое заступление и Предстательницу нашу непостыдную; соблюди Твоя рабы от всякаго озлобления и от козней лукаваго свобождай присно.

---

Светилен

Венценосче святе, предстояй со Ангелы Христову Престолу и света оттуду исполняяйся, страстотерпче, мир миру молитвами твоими исходатайствуй и нам спасение, благочестно память твою совершающим и в скорбех притекающим к тебе, Иоанне всебогате.

Благочестиваго воина Христова, победившаго враги душевныя и телесныя богомудренно, Иоанна мученика достодолжно песньми восхвалим, чудодействуя бо, подает обильная исцеления страждущим людем и молится Господу Богу от всяких бед спасти правоверныя.